BENEDIZIONE
PER ACQUA - SALE - OLIO
-
Queste preghiere di benedizione sono prese dal Rituale Romano. Possono essere
usate da qualsiasi sacerdote senza alcun permesso.
-
Per benedire il sale soltanto si usano le prime due preghiere. Per benedire
l'acqua santa, se si ha del sale già benedetto non occorre ripetere le due
prime preghiere relative al sale.
-
La benedizione dell'olio alla fine richiede l'aspersione con l'acqua santa.
-
L'uso della stola violacea è richiesto come per ogni benedizione.
Diebus
Dominicis, et quandocumque opus sit, praeparato sale et aqua munda benedicenda
in ecclesia, vel in sacristia, sacerdos, superpelliceo et stola violacea indutus,
primo dicit:
V.
Adjutórium nostrum in nómine Dómini.
R.
Qui fecit caelum et terram.
Deinde
absolute incipit exorcismum salis.
Exorcízo
te, creatúra salis, per Deum †
vivum, per Deum †
verum, per Deum †
sanctum, per Deum, qui te per Eliséum Prophétam in aquam mitti jussit, ut
sanarétur sterílitas aquae:
ut
efficiàris sal exorcizàtum in salútem credéntium; et sis ómnibus suméntibus
te sànitas ànimae et córporis; et effúgiat, atque discédat a loco, in quo
aspérsum fúeris, omnis phantàsia, et nequítia, vel versútia diabólicae
fraudis, omnísque spíritus immúndus, adjuràtus per eum, qui ventúrus est
judicàre vivos et mórtuos, et saeculum per ignem.
R.
Amen.
Oratio
Orémus.
Imménsam
cleméntiam tuam, omnípotens aetérne Deus, humíliter imploràmus, ut hanc
creatúram salis, quam in usum géneris humàni tribuísti, bene†dícere
et sancti†ficàre
tua pietàte dignéris: ut sit ómnibus suméntibus salus mentis et córporis;
et quidquid ex eo tactum vel respérsum fúerit, càreat omni immundítia, omníque
impugnatióne spiritàlis nequítiae. Per Dóminum.
R.
Amen.
Exorcismus
aquae: et dicitur absolute:
Exorcízo
te, creatúra aquae, in nómine Dei †
Patris omnipótentis, et in nómine Jesu †
Christi Fílii ejus Dómini
nostri, et in virtúte Spiritus †
Sancti: ut fias aqua exorcizàta
ad effugàndam omnem potestàtem inimíci, et ipsum inimícum eradicàre et
explantàre vàleas cum Angelis suis apostàticis per virtútem ejúsdem Dómini
nostri Jesu Christi: qui ventúrus est judicàre vivos et mórtuos, et saeculum
per ignem.
R.
Amen.
Oratio
Orémus.
Deus,
qui ad salútem humàni generis, maxima quaeque sacraménta in aquàrum substàntia
condidísti: adésto propítius invocatiónibus nostris, et eleménto huic multímodis
purificatiónibus praeparàto, virtútem tuae bene†dictiónibus
infúnde:
ut
creatúra tua, mystériis tuis sérviens, ad abigéndos daemones, morbósque
pelléndos, divínae gràtiae sumat efféctum; ut quidquid in dómibus, vel in
locis fidélium, haec unda resperserit, càreat omni immundítia, liberétur a
noxa: non illic resídeat spíritus péstilens, non aura corrúmpens: discédant
omnes insídiae laténtis inimíci; et si quid est, quod aut incolumitàti habitàntium
ínvidet, aut quiéti, aspersióne hujus aquae effúgiat: ut salúbritas per
invocatiónem sancti tui nóminis expetíta, ab ómnibus sit impugnatiónibus
defénsa. Per Dóminum.
R.
Amen.
Hic
ter mittat sal in aquam in modum crucis, dicendo semel:
Commíxtio
salis et aquae pàriter fiat, in nómine Pa t tris, et Fí t Iii, et Spíritus t
Sancti.
R.
Amen.
V.
Dóminus vobíscum.
R.
Et cum spíritu tuo.
Oratio
Orémus.
Deus,
invíctae virtútis auctor, et insuperàbilis impérii Rex, ac semper magníficus
triumphàtor: qui advérsae dominatiónis vires réprimis: qui inimíci rugiéntis
saevítiam súperas: qui hostíles nequítias poténter expúgnas: te, Dómine,
treméntes et súpplices deprecàmur, ac pétimus: ut hanc creatúram salis et
aquae dignànter aspícias, benígnus illústres, pietàtis tuae rore sanctífices;
ut, ubicúmque fúerit aspérsa, per invocatiónem sancti nóminis tui, omnes
infestàtio immúndi spíritus abigàtur: terrórque venenósi serpéntis procul
pelldtur: et praeséntia Sancti Spíritus nobis, misericórdiam tuam poscéntibus,
ubique adésse dignétur. Per Dóminum nostrum )esum Christum Fílium tuum:
Qui tecum vivit et regnat in unitàte ejúsdem Spíritus Sancti Deus, per ómnia
saecula saeculorum.
R.
Amen.
V.
Adjutórium nostrum in nómine Dómini.
R.
Qui fecit caelum et terram.
Exorcismus
Exorcízo
te, creatúra ólei, per Deum †
Patrem omnipoténtem, qui fecit caelum et terram, mare, et ómnia, quae in eis
sunt. Omnis virtus adversarii, omnis exércitus diàboli, et omnis incúrsus,
omne phantasma satanae eradicàre, et effugàre ab hac creatúra ólei, ut fiat
ómnibus, qui eo usúri sunt, salus mentis et córporis, in nómine Dei †
Patris omnipoténtis, et Jesu †
Christi
Fílii ejus Dómini nostri, et Spíritus †
Sancti
Paracliti, et in caritàte ejúsdem Dómini nostri Jesu Christi, qui ventúrus
est judicare vivos et mórtuos, et saeculum per ignem.
R.
Amen.
Oratio
Orémus.
Dómine
Deus omnípotens, cui astat exércitus Angelórum cum tremóre, quorum servítium
spirituale cognóscitur, dignàre respícere, bene†dícere,
et sancti†fícare
hanc creatúram ólei, quam ex olivarum succo eduxísti, et ex eo infírmos inúngi
mandasti, quatenus sanitàte percépta, tibi Deo vivo et vero gràtias àgerent:
praesta, quaesumus; ut hi, qui hoc óleo, quod in tuo nómine bene†dícimus,
usi fúerint, ab omni languóre, omníque infirmitàte, atque cunctis insídiis
inimíci liberéntur, et cunctae adversitates separéntur a plasmate tuo, quod
pretióso sanguine Fílii tui redemísti, ut numquam laedatur a morsu antíqui
serpéntis. Per eúmdem Dóminum nostrum Jesum Christum Fílium tuum: Qui tecum
vivit et regnat in unitàte Spíritus Sancti Deus, per ómnia saecula saeculórum.
R.
Amen.
Et
aspergatur aqua benedicta.